Kaizenlog

Nru. 0904

L-AZZJONIJIET INDUSTRJALI FL-UNIVERSITA’: IL-GVERN JIBQA’ JURI R-RIEDA TAJBA TIEGĦU BIEX JINTLAĦAQ FTEHIM

Bħalma dejjem għamel, il-Gvern lest li jibqa’ juri rieda tajba sabiex tinstab soluzzjoni fil-kwestjoni bejn l-Universita’ u l-lecturers rappreżentati mill-UMASA u l-MUT. Minkejja li l-bieraħ waqt laqgħa ta’ konċiljazzjoni, imsejħa mill-Universita’, il-unions ma rtirawx id-direttivi kollha li ħarġu lill-membri tagħhom, xorta waħda l-Gvern lest li jgħaddi l-kontroproposti tiegħu lill-unions appena dawn jirtiraw kompletament l-imsemmija direttivi.

Hi prattika magħrufa li l-Gvern ma jidħolx f’diskussjonijiet ma’ unions sakemm ikun għad hemm fis-seħħ xi azzjonijiet industrjali.

Min-naħa tagħhom il-unions irtiraw id-direttivi fir-rigward ta’ l-istudenti universitarji ta’ l-aħħar sena tal-korsijiet rispettivi iżda ħallewhom fil-konfront ta’ l-istudenti l-oħra kollha.

Fil-laqgħa ta’ konċiljazzjoni li saret il-bieraħ kien hemm qbil dwar kif għandhom ikomplu l-laqgħat bejn iż-żewġ naħat bit-tama li jintlaħaq ftehim finali.

Ta’ min igħid li f’Diċembru li għadda, il-Gvern, f’ġest ta’ rieda tajba, lahaq ftehim ‘interim’ li permezz tiegħu l-membri ta’ li staff akkademiku ta’ l-Universita’ ħadu żjieda fis-salarju li ammontat għal 13.5% fis-salarju tal-lecturers.

Dan sar bl-iskop li ż-żewġ partijiet ikunu jistgħu jinnegozjaw ftehim kollettiv mingħajr pressjoni żejda.

Il-Gvern ikompli jħeġġeġ lill-Unions konċernati biex ineħħu d-direttivi kompletament u jersqu għad-diskussjoni skond kif miftiehem fil-laqgħa ta’ konċiljazzjoni, għall-ġid ta’ l-istudenti tagħna.

DOI – 25.06.2008

Welcome back to Kaizenlog.com, you may want to subscribe to my RSS feed , Twitter You can contact us by using the contact form or submitting a comment. You can also share this post with your friends by clicking on the 'ShareThis' button above. Thanks for visiting!

 Print This Post

This entry was posted on Wednesday, June 25th, 2008 at and is filed under Kaizenlog.You can follow any responses to this entry through the RSS 2.0 feed. You can leave a response, or trackback from your own site.