Kaizenlog

Welcome to Kaizenlog.com If you're new here, you may want to subscribe to my RSS feed , Twitter You can contact us by using the contact form or submitting a comment. Thanks for visiting!

 

NO. 1736

 

STQARRIJA MILL-MINISTERU GĦALL-FAMILJA U SOLIDARJETA’ SOĊJALI –

L-OPPOŻIZZJONI LABURISTA GĦANDHA TGĦID IL-VERITA` KOLLHA DWAR IĊ-CHILDREN’S ALLOWANCE

 

Fl-istqarrija tal-lum, jidher li l-Partit Laburista jrid iqarraq dwar iċ-Children’s Allowance billi jikkwota biss il-figuri li jaqbillu.

 

Meta fl-1996 tbiddel il-mod kif taħdem iċ-Children’s Allowance, sar ukoll tnaqqis sostanzjali fit-Taxxa tad-Dħul li minnha ġawdew ħafna familji bi dħul taxxabbli. 

 

Bir-riforma ta’ l-1996, iċ-Children’s Allowance tal-familji bl-anqas dħul żdiedet b’aktar mid-doppju, minn Lm 3.75 fil-ġimgħa għall-ewwel tifel jew tifla għal Lm 8.65 fil-ġimgħa għall-ewwel tifel jew tifla.  Dan ifisser li l-familji kollha bi dħul ta’ anqas minn Lm7,000 fl-1995 kellhom żieda fic-Children’s Allowance fl-1996.  Il-familji bi dħul ogħla kellhom tnaqqis sostanzjali fit-Taxxa tad-Dħul. 

 

Din ir-riforma wasslet biex in-nefqa fiċ-Children’s Allowance żiedet minn Lm15.5 miljun fl-1995 għal Lm18.3 miljun fl-1996 meta s-sistema l-ġdida ħadmet għal nofs sena u Lm 20.4 miljun fl-1997 meta s-sistema l-ġdida ħadmet għal sena sħiħa

 

F’żewġ baġits ta’ Gvern ta’ Alfred Sant bejn l-1996 u l-1998, Gvern Laburista ma biddel xejn minn din is-sistema.

 

Fl-2003 u fl-2006, dan il-Gvern irranġa c-Children’s Allowance biex ibbenifikaw il-familji b’ħafna tfal. 

 

Fil-baġit ta’ din is-sena, il-Gvern qed ikompli jibni fuq is-sistema li daħħal fl-1996 billi filwaqt miċ-Children’s Allowance jibqa’ tibbenifika l-aktar min għandu l-aktar bżonn, ikun żgurat benefiċċju minimu ta’ Lm107 għal kull tifel u tifla.  Ġew irduppjati r-rati tat-tieni, it-tielet, ir-raba’, il-ħames, is-sitt, u aktar tfal.  L-ogħla benefiċċju li jingħata żdied ukoll.  Żdied ukoll il-benefiċċju għat-tfal b’diżabilita’, tfal orfni u għat-tfal fostered jew li jgħixu f’djar residenżjali.  U dan barra t-tnaqqis sostanzjali tat-taxxa.

 

Huwa interessanti li fl-istqarrija tal-lum, l-Oppożizzjoni m’hi qed tagħmel l-ebda referenza għall-wegħda tal-Kap ta’ l-Oppożizzjoni li jreġġa’ lura l-arloġġ u jagħmel is-sistema taċ-Children Allowance bħal ma kienet fl-1995.  Dan ikun ifisser li numru kbir ta’ familji Maltin u Għawdxin se jaraw tnaqqis sostanzjali fic-Children’s Allowance li diġa’ qegħdin jew li ser jirċievu bir-riforma ta’ dan il-baġit.

 

DOI – 13.11.2007

 

 

 

 

 

 

 

 

Popularity: 4% [?]

Listen to this podcast

 Print This Post

This entry was posted on Tuesday, November 13th, 2007 at and is filed under Malta.You can follow any responses to this entry through the RSS 2.0 feed. You can leave a response, or trackback from your own site.