Kaizenlog

Welcome to Kaizenlog.com If you're new here, you may want to subscribe to my RSS feed , Twitter You can contact us by using the contact form or submitting a comment. Thanks for visiting!

 

 

 

Nru. 1688

 

 

Kundanna mill-Ministeru tas-Saħħa, l-Anzjani u Kura fil-Komunità għall-stqarrija irresponsabbli ta’ L-ONOR. Michael Farrugia, il-Kelliem ewlieni ta’ l-Oppożizzjoni dwar is-Saħħa

 

 

Il-Ministeru tas-Saħħa, l-Anzjani u Kura fil-Komunità jikkundanna bil-qawwa kollha l-istqarrija irresponsabbli u qarrieqa tal-Kelliem Ewlieni ta’ l-Oppożizzjoni dwar is-Saħħa.

 

Fil-proċess tal-migrazzjoni l-Gvern dejjem poġġa s-saħħa tal-pazjent l-ewwel u qabel kollox.  Il-Gvern kompla jpoġġi s-saħħa tal-pazjent l-ewwel anke meta ġie akkużat mill-Oppożizzjoni li l-proċess tal-migrazzjoni kien qed jieħu ż-żmien.

 

Hija tal-mistħija li l-Oppożizzjoni, għall-gwadann politiku qed tipprova tixħet dubju fuq ir-responsabbiltà u l-kapaċitajiet tal-professjonisti mediċi ta’ pajjiżna u tipprova toħloq allarm.  Hija wkoll tal-mistħija kif l-Oppożizzjoni qed tipprova ddawwar is-servizzi tas-saħħa f’ballun politiku bħal ma diġà ppruvat tagħmel dwar l-impenn tal-Gvern fil-ġlieda tiegħu kontra l-kanċer.

 

Il-Ministeru jistmerr il-mod baxx li biħ Michael Farrugia jitfa’ dell ikraħ u jattakka l-kompetenza tal-professjonisti tagħna li ħadd ma jiddubita mil-kapaċità tagħhom.  Veru li l-Kelliem ta’ l-Oppożizzjoni għandu għalfejn jistħi u għandu jitlob skuża lil dawn il-professjonisti.

 

Il-Gvern jerġa’ jappella lill-Oppożizzjoni sabiex tkun responsabbli u taħdem mal-Gvern ħalli s-servizzi tas-saħħa għall-pazjenti Maltin u Għawdxin kollha jkunu ta’ l-ogħla livell, u mhux tipprova tfixkel.

 

 

 

DOI - 07.11.2007

Popularity: 3% [?]

Listen to this podcast

 Print This Post

This entry was posted on Wednesday, November 7th, 2007 at and is filed under Malta.You can follow any responses to this entry through the RSS 2.0 feed. You can leave a response, or trackback from your own site.